Sa pangunguna ng Provincial Health Office (PHO) at Department of Health, ginanap ngayong araw ng Martes, Setyembre 10 sa Queen Margarette Hotel, Lucena City ang “Excellence in Post-Bivalent Oral Polio Vaccine Supplemental Immunization Activity: Recognizing Stakeholders, Top Cities and Municipalities in Quezon Province.”

Layunin ng nasabing programa na magbigyang parangal ang mga Local Government Units (LGUs) na namamayagpag sa kagalingan sa serbisyong pangkalusugan. Gayundin bahagi sa layunin nito ang maisulong na mabakunahan lahat ng bata sa lalawigan ng Quezon upang makaiwas sa sakit na Polio.

Kabilang naman sa mga naipamahaging karangalan ang Community Leader Championing Immunization, Most Viewed Dance Video Award for Outstanding Public engagement on the OPV SIA Campaign, Frontline Achievement Award, BOPV SIA 65% Milestone Pioneer, Vaccination Champion Award, Immunization Achievement Award, Guardians of Public Health, at Quezon Province OPV SIA Excellence Award.

---

Quezon PIO