Ginanap ngayong araw ng Lunes, Oktubre 16 ang Exploratory Meeting and Finalization of Contract para sa Memorandum of Agreement sa pagitan ng Quezon Provincial Hospital Network – Quezon Medical Center at Philippine Health Insurance Corporation patungkol sa Z Benefit Package for End Stage Renal Disease Requiring Peritoneal Dialysis “PD First” na nais maibaba sa lalawigan.

Nakipagpulong si Governor Doktora Helen Tan sa pamunuan ng Phillippine Health Insurance Corporation Region 4A sa pangunguna ni PHIC 4A Regional Vice President Dr. Danilo M. Reynes kasama si LHIO Head Jonathan Alim at ilan pang kawani ng PHIC Lucena.

Dumalo rin sa nasabing pagpupulong si QPHN – QMC Chief of Hospital Dr. Juan Eugenio Fidel Villanueva, QPHN – QMC Chief Nurse Salome Paycao, QPHN – QMC Head Legal Officer Atty. Generson Paul Mercado at ang iba pang kawani ng tanggapan na may kaugnayan sa nasabing usapin.

Batid ng Gobernadora ang hirap na dinaranas ng bawat pasyente kaya naman patuloy ang pagsusumikap ng Pamahalaang Panlalawigan na makapagbigay ng mga programang makatutulong upang makabawas sa bigat ng mga gastusin para sa mga mamamayan na nangangailangan ng komprehensibong gamutan.

Source: Quezon PIO