Nitong ika-7 ng Nobyembre, ang Animal Health and Welfare Division ng Office of the Provincial Veterinarian (OPV) ay inanyayahan ng Office of the Municipal Agriculturist (OMA) ng Sampaloc upang magsagawa ng libreng kapunan o spay and neuter para sa mga alagang aso at pusa ng ating mga kalalawigan.

Patuloy na nagbibigay ng ganitong serbiyo ang tanggapan dahil ang mga hayop ay nabubuhay ng mas matagal kapag ito ay nakapon. Kapag na-spay o na-neuter ang mga alagang hayop, hindi lamang binibigyan natin sila ng mas malusog na buhay kundi ginagawa rin natin ang ating bahagi upang mabawasan ang populasyon ng mga ligaw na hayop sa ating lalawigan.

Para sa mga katanungan hinggil sa kung kailan o saan nagsasagawa ng libreng kapunan sa inyong lugar, mangyaring makipag-ugnayan lamang sa inyong Local Government Units (LGU).