134th Sangguniang Panlalawigan Regular Session | February 10, 2025
Para sa patuloy na pagsulong ng makabuluhang hakbang tungo sa mas maayos at progresibong pamamahala sa mamayang Quezonian, pormal na ginanap ang ika-134 Pangkaraniwang Pulong ng Sangguniang Panlalawigan ngayong araw ng Lunes, Pebrero 10, sa Governor’s Mansion Compound, Lucena City.
Sa pangunguna ni Acting Vice Governor at Presiding Officer Vinnette Alcala-Naca kasama ang mga Board Member na kinatawan ng bawat distrito sa lalawigan ay naaprubahan ang mga Ordinansa, Resolusyon, Atas tagapag paganap at iba pang liham, alinsunod sa mas lalo pang pag-unlad ng lalawigan ng Quezon.
Samantala, inaprubahan na ng Sangguniang Panlalawigan ng Quezon ang liham mula sa tanggapan ni Governor Doktora Helen Tan patungkol sa Supplemental Annual Investment Plan (AIP) na mapupunta sa iba’t ibang subsidiya sa ilalim ng mga serbisyong inihahatid at ipinagkakaloob ng Pamahalaang panlalawigan ng Quezon sa mga mamamayang Quezonian.
Kaugnay dito, ang probisyon patungkol sa mga Health Services na magkaroon ng karagdagang paglalaan ng pondo sa gamot, medical, dental & optical supplies sa iba’t ibang ospital sa lalawigan ng Quezon, gayundin sa mga specific program/projects ng iba’t ibang tanggapan sa Pamahalaang panlalawigan ng Quezon.
Quezon PIO