📌 P A U N A W A 📌 | March 15, 2025
📌 P A U N A W A 📌
Lubos po naming pinahahalagahan ang inyong pasensya at sigasig sa pag-aaplay para sa Special Program for Employment of Students (SPES).
Ang tanggapan ng Quezon Provincial PESO ay humihingi ng inyong pang unawa sapagkat nagkaroon ng antala sa paglalabas ng SPES ONLINE APPLICATION EVALUATION RESULT. Sa kasalukuyan po ay patuloy pang isinasagawa ang initial screening sa mga isinumiteng dokumento ng mga aplikante.
Tinitiyak po namin na masusing sinusuri ng aming tanggapan ang bawat aplikasyon upang matiyak ang patas na pagpili at pagsunod sa mga alituntunin ng programa. Dahil dito, magkakaroon ng kaunting pagkaantala sa pagpapalabas ng opisyal na listahan ng mga napiling aplikante.
Hinihiling po namin ang inyong pang-unawa at pakikiisa sa prosesong ito. Mangyari lamang na antabayanan ang mga susunod na anunsyo ng tanggapan hinggil sa resulta ng inyong aplikasyon. Maraming salamat po.
Quezon PIO / PESO